Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Malene Breytenbach

@ Sunday Times Books LIVE

Yesterday Is A Lost Country, die Engelse vertaling van Gister is ’n ver land, nou op Amazon

Ek het my roman, Gister is ’n ver land, wat in 2005 verskyn het, self in Engels vertaal en dit is nou as die e-boek Yesterday Is A Lost Country op Amazon te koop vir jou Kindle. eBooks for Africa, met Marinda Ehlers aan die stuur, is die uitgewers.

Laai Yesterday Is A Lost Country nou by Amazon af

Meer oor die boek

They were pioneers who went to the colonies and later became regarded as settlers on disputed land. Uhuru, wars of liberation, decolonisation and terror drove many of them away. Maureen Sneddon-Barnard was one of these people. She was driven from Kenya by the Mau Mau. In Rhodesia she farmed again and experienced loss all over again. After Rhodesia had become Zimbabwe, she received the dreaded eviction notice that forced farmers all over the country off their land. In a small, brown school case she took with her diaries and newspaper clippings that told the story of her life. This, at least, she could leave to her children, telling of the courage, the risks, the endurance, the joys and sorrows. She knew and loved Africa in all its grandeur, but the winds of change were to blow her and her people’s footsteps away.

Eenoogkoning nou op die rakke en ook beskikbaar as ‘n Kindle e-boek

 
EenoogkoningMy nuutste roman, Eenoogkoning, het pas by Naledi verskyn. In die foto hierbo is ek en Marinda Meyer van Naledi met my boek in Protea Boekwinkel op Stellenbosch. Eenoogkoning is ook beskikbaar as ‘n e-boek vir jou Kindle e-leser, te danke aan Marinda Ehlers van eBooks for Africa. Laai dit hier af.

Oor die boek

Salome Binnemans beleef vier oorloë: die Boereoorlog, die oorlog in Duits-Suidwes-Afrika, die Eerste en Tweede Wêreldoorlog. Eenoogkoning is ’n verhaal van liefde, verlies, swaar keuses. Lank domineer die eenoogkoning haar lewe, maar sy is ’n vrou wat terugveg.

Hierdie historiese roman neem die leser terug na die draai van die vorige eeu, na ‘n tydperk van oorloë en ontwrigting. In hierdie tyd is die geskiedenis geskryf deur koloniale magte wat eers in Suidelike Afrika en daarna in die Eerste Wêreldoorlog die grense van lande en klein volke verskuif of uitgewis het.

Die eenoogkoning is ‘n man wat in sy tyd inpas, ‘n groot karakter met geslagte van Pruisiese soldate wat oor sy breë skouers loer. Maar dan trou hy met die fynbesnede Kaapse meisie en neem haar na die dorre woestyn, waar hy vir hulle ‘n kasteel bou. Soos die storms van die tyd oor hulle was, ondergaan hulle self ook loutering en moet hulle telkens aanpas by die harde werklikhede van die tye waarin hulle leef. Die verhaal neem die leser van die skone Kaap na die Namib-woestyn en na Pretoria in die na-oorlogsjare.

Hierdie is ‘n kragtighe verhaal met grootse karakters, wat die leser aangryp en dialoog wat die historiese gebeure maklik toeganklik maak. Van die eerste woord tot die laaste, kan die leser nie onpartydig bly nie, maar word meegesleur in die lewens van die man met die oogklap en sy beminde, Salome.

Boekbesonderhede

Foto’s van die Woordfees-gesprek “Bloed-Wat?”

BloedgrondBy vanjaar se Woordfees het ek saam met Douwleen Bredenhann en Ilse Salzwedel aan ‘n gesprek getiteld “Bloed-Wat?” deelgeneem, wat deur Karin Brynard gelei is.

Ek, Douwleen en Ilse het gesels oor ons boeke wat al drie die woord “bloed” in die titel het. My roman, Bloedgrond, handel oor ‘n plaasmoord, Douwleen se boek, Bloedwater, gaan oor die verraad tussen twee susters en Ilse se Bloedsusters is ‘n nie-fiksie vertelling oor twee vroue wat moord- en ongelukstonele skoonmaak.

Karin het baie interessante vrae gevra oor ‘n verskeidenheid onderwerpe, van die simboliese betekenis van bloed in letterkunde tot ons kinderjare en vroeë beroepskeuses.

Hier volg ‘n paar foto’s van die gesprek:

Ek, Ilse Salzwedel, Douwleen Bredenhann en Karin Brynard

Ek bespreek die verwysing na bloed in my boek Bloedgrond

Dink terug aan kinderdae op die platteland

Ons luister aandagtig na die ander sprekers

Voel sterk daaroor om in Afrikaans te skryf

Vertel van my Ou Nabye Oosterse studies en dat ek aanvanklik ‘n operasanger wou word

Ek het gevoel ek moes Bloedgrond skryf omdat die onderwerp my geraak het en na aan my hart is

Boekbesonderhede

Drie boeke met drie ‘bloed’-titels. Kom luister na die gesprek by Woordfees 2012!

BloedgrondVan 2 tot 11 Maart 2012 is dit weer tyd vir die jaarlikse Woordfees op Stellenbosh en ek gaan by vanjaar se fees saam met Douwleen Bredenhann en Ilse Salzwedel aan ‘n gesprek, getiteld Bloed-wát?, deelneem.

Karin Brynard, die skrywer van Plaasmoord, gaan die gesprek lei en met ons gesels oor ons jongste boeke, wat toevallig al drie ‘n titel het wat met “bloed-” begin. My roman, wat verlede jaar verskyn het, is getiteld Bloedgrond, Douwleen se roman heet Bloedwater en Ilse het ‘n boek met die titel Bloedsusters geskryf.

Kom sluit by ons aan! Kaartjies kos slegs R40 en kan by Computicket gekoop word.

Hier is die besonderhede:

Bloed-wát?
Met Malene Breytenbach, Douwleen Bredenhann, Ilse Salzwedel en gespreksleier Karin Brynard
Bekroonde misdaadskrywer Karin Brynard gesels met Malene Breytenbach (Bloedgrond), Douwleen Bredenhann (Bloedwater) en Ilse Salzwedel (Bloedsusters) oor die rare toeval dat hulle in 2011 elk ʼn eenwoordtitel wat met bloed begin, op die rakke het. Totaal uiteenlopende en oorvleuelende bloedbande word ontgin. En Karin kán bloed laat spat!
5 Maart 14:00 | Boektent | 50min | R40

Boekbesonderhede

Foto te danke aan Woordfees